兩歲成長記錄

好耐無寫成長記錄, 趁兩歲紀錄下佢而家既進度先~

食量: 兩餐奶+2餐飯, 有時臨訓前再飲一次奶, 其實我唔prefer臨訓前再俾奶佢飲, 佢成9點先食完飯, 十點幾訓竟然又話飲奶, 我覺得佢飲奶係心"忍"多過實際需要, 仲成日刷完牙先話飲, 激C我=.=

訓覺方面: 愈來愈遲訓, 之前十點幾入房, 而家有時十一點, 成十二點先訓著, 而家凍左, 朝早訓到9,10點, 晏就訓2-3個鐘晏覺

會自己食飯, 但只限於開頭, 食到一半, 要開始餵=.=

 

食飯食勁勁勁耐...... 餐餐食一個鐘以上, 食粉就會快d, 同埋要玩玩具同睇ipad =.=

係TAOBAO 買左個wall sticker 記錄BBG身高

 

13 Nov 度係88cm 高, 呢2個月都係無高過=.=

而家可以自己捺lift lu~~體重大概28-30 lbs, 我而家只可以抱到佢5分鐘=.=

 

發展方面: 砌十塊左右puzzle 無難度

 

講野呢2個月突飛猛進, baba mama, 婆婆公公, 爺爺MAMAM, 表叔表嬸, EE 姑姐, E婆, 連大家既中文名都記得XD

 

英文字母A-Z都識, 數字識數到1-15, 顏色中英文都記得, 平時見到既物品都識, 而家其實一般溝通都無問題, 之前歲半係健康院講野唔PASS, 但而家都追番曬D進度, 所以遲講野唔駛驚, 佢地會突然有一日俾驚喜你hoho 

自己除鞋除socks

 

都鐘意寫字畫畫油顏色, 不過3分鐘熱度=.=

 

去toliet方面: 一開始已經買左個掛牆式尿兜訓練佢, 唔想俾佢坐住去shu shu, 之後又要適應番企, 呢個好方便, 後面係吸盤, 去完倒落toliet 好方便, 去大大, 就加個小朋友廁所板俾佢

 

而家好叻叻, 基本急個陣就會同我地講去shu shu/ 便便, 但有時都失敗, e.g. 顧住睇ipad, 急到瀨左=.= , 又或者報流料, 坐左幾次, 都去唔到便便etc

大家都唔怕臭, 陪佢去便便 HAHA

 

開始同小朋友有互動, 上次去FRIEND 屋企玩, 竟然可以和平共處, share snack

同一齊玩, 睇ipad XD

 

 

玩方面 最愛始終都係煮飯仔, 會睇烹飪節目進修廚藝 (當然都係玩具個D啦:P)

煮飯俾佢D朋友仔食XD

 

 

玩得好細膩, 洗碗洗菜一腳踢, 仲識落調味料, 幫魚"卦鄰" etc :P

 

又會搶住做家務, 次次吸塵都話俾BB吸=.=

 

BTW, 用手提吸塵真係好方便, 間屋清潔好多, 一見到有塵就可以吸, 之前勁懶, 因為唔想拎掃把掃HAHA

 

睇住BBG呢一兩個月既進步, 真係覺得好amazing, 又好玩左, 當然有時會好激氣, 因為會唔聽你話>< 但無所謂, enjoy his diff stages, 因為每個stage 都係unqiue :)

暫時記得咁多, 有漏再補 hehee